Beogradi në panik, shërbimet sekrete zbulojnë vrasësin e Ivanoviqit!

Beogradi zyrtarë është futur në panik pasi autoritetet përgjegjëse tanimë kanë zbuluar personat e implikuar direkt në vrasjen e politikanit nga veriu i Mitrovicës, Oliver Ivanoviq.

Indeksonline mëson se Shërbimi Inteligjent i Kosovës (AKI) dhe disa Agjenci të njohura Ndërkombëtare posedojnë fakte që vrasës me pagesë, njerëz të afërt me Aleksandër Vuçiqin, qëndrojnë prapa kësaj vrasje e cila ndodhi në janar të këtij viti.

Kësisoj, njëri prej personave kyç të përfshirë në vrasjen e Ivanoviqit po del të jetë Milan Radojqiq, i cili tashmë ka ikur nga Kosova.

Radojqiq, nipi i Zvonko Vesilinoviqit – i cili njihet si ortak në disa biznese me vëllain e presidentit Vuqiq, është pika kryesore e kësaj ngjarje.

Vetura e djegur në natën kritike është konstatuar që ishte me origjinë nga Serbia dhe ka zinxhirë pronarë nga Beogradi. Poashtu, vrasësit me pagesë dyshohet se me veturë të njëjtë ishin edhe në Ukrainë.

E përmendur si e implikuar në vrasjen e Ivanoviqit, sipas burimeve, del të jetë edhe bashkëshortja e këtij të fundit, Milena.

Vlen të theksohet se Njësitë Speciale të policisë së Kosovës, me 23 nëntor arrestuan katër persona në veri të Mitrovicës në kudarë të hetimeve lidhur me vrasjen e Oliver Ivanoviqit, që ndodhi më 16 janar të këtij viti.

Goran Rakiq kishte deklaruar se dy nga të arrestuarit janë nga komanda veriore e policisë. /Indeksonline/