Nga QKUK flasin për aksidentin ku vdiqën dy femra

Një aksident tragjik nodhi mbrëmë në mesnatë në rrugën Prishtinë-Ferizaj, si pasojë e të cilit vdiqën dy femra, ndërsa mbetët të lënduar edhe dy persona tjerë. Nga QKUK për Gazetën Metro kanë bërë të ditur se edhe këta dy të fundit ( shoferi dhe një pasagjer), janë në gjendje shumë të rëndë.

“Të dy ata janë pavetëdije dhe ë gjendje të rëndë”, ka thënë për Metron, Nerxhivane Halimi , Specialiste e Mjekësisë Emergjente.

Ndërkohë, Gazeta Metro ka mësuar se dy femrat që vdiqën në aksidentin në fjalë, janë punëtore të bankës TEB. Bëhet fjalë për Kaltrina Hotin dhe Learta Sopjanin.

Metro gjithashtu mësoi se këto po ktheheshin nga ndeja e fundvitit, kur u aksidentuan.

Lajmin për vdekjen e tyre ka konfirmuar për Gazetën Metro edhe zëdhënësja e Policisë për Rajonin e Prishtinës, Flora Ahmeti.

Ahmeti bëri të ditur se dy pasagjeret nuk kanë mundur të përballojnë plagët e shkaktuara nga aksidentit dhe ne vend ngjarje  kanë ndërruar jetë.

“Sot rreth orës 02:00 në rrugën Prishtinë -Ferizaj ka ndodhur një vet aksident trafiku me pasoja fatale. Në ketë aksident ka qenë i përfshirë një automjet i tipit Pasat që për shkaqe të panjohura deri tani ka humbur kontrollin dhe është vetë aksidentuar. Lëndime të renda trupore kanë marrë katër persona, ngasësi dhe tre pasagjerë.

Dy nga pasagjerët nuk kanë mundur të përballojnë plagët e shkaktuara nga aksidentit dhe ne vend ngjarje  kanë ndërruar jetë.Viktimat janë L.S (femër) 23 vjeç dhe K. H ( femër ) 31 vjeç”, ka thënë Ahmeti.

Vdekjen e tyre e ka konstatuar ekipi mjekësor ne vend ngjarjes, ndërsa ngasësi i automjetit dhe një pasagjer tjetër janë dërguar në QKUK.

Me rastin po merren njësiti i trafikut./