Flet motra e policit të vrarë pas akuzave ndaj Kadri Veselit: Kjo është e vërteta e mesazhit!

Motra e policit të vrarë gjatë incidentit të djeshëm në Istog, Izet Demaj, Aferdita është distancuar nga gjuha fyese ndaj Kryeparlamentarit Kadri Veseli, lidhur me rastin e vrasjes së vëllait të saj.

Aferdita, përmes një shkrimi të publikuar në profilin e saj në “Facebook” sqaron se është keqpërdorura afërsia e saj me policin e vrarë për të dërguar mesazhe përqarëse ndaj udhëheqësve të vendit.

“Në gjith këtë dhembje që po e përjetoj, ju falenderoj të gjithëve që na rrini afër dhe dërgoni mesazhe mbështetëse dhe inkurajuese. Unë ndjehem krenare që pata një vëlla qê i doli zot atdheut kur pati nevojë dhe këtë e dēshmoi edhe dje se Kosova ka shtet dhe forca mbrojtëse. Ju lus që ta kuptoni drejt se vëllau im ra në mbrojtje të së drejtës dhe sigurisë, askush në botë s’ka të drejtë të mbjell përqarje e urrjetje në emër të tij”, ka shkruar ajo

Motra e policit të vrarë tutje ka thënë se ai e ka dashur këtë shtet me të mirat dhe të këqijat që i ka, “për ta çrrënjose të keqen u flijua lavdi dhe falenderim për të gjithë ju që na qëndroni afër dhe kuptoni drejt dhimbjen për Izetin tonë”, ka deklaruar Aferdita Demaj.