Podujevë: I mituri kapet në flagrancë me armë zjarri, përfundon në Polici
BE i thotë jo ushtrisë europiane, e ka NATO-n
Planet për ngritjen e një ushtrie europiane duket se nuk e kanë ‘kaluar klasën’ në Bruksel. Përfaqësuesja e BE-së për Politikën e Jashtme, Federica Mogherini tha pas takimit të ministrave të mbrojtjes se, “nuk do të krijohet një ushtri europiane”.
“Bashkimi Europian nuk do të zëvendësojë NATO-n, me gjithë forcimin e bashkëpunimit në mbrojtje. Ne ecim krah për krah me NATO-n dhe planet e BE-së kontribuojnë madje në shpërndarjen e drejtë të barrës brenda NATO-s, e kërkuar kjo edhe nga SHBA”, tha Mogherini, transmeton TCH.
Më herët, sekretari i përgjithshëm i NATO-s, Jens Stoltenberg paralajmëroi BE-në për krijimin e një konkurrence brenda NATO-s.
Në planet e tyre për krijimin e një unioni mbrojtjeje, vendet e BE-së nuk duhet të shkojnë larg, tha sekretari i përgjithshëm i NATO-s.
“Unë i përshëndes përpjekjet – deklaroi Stoltenberg të martën në Bruksel, – por ata nuk duhet të kenë si qëllim të konkurrojnë me NATO-n”.
Aleanca transatlantike është baza themelore e sigurisë europiane, ka shtuar më tej Stoltenberg.