PDK: Shkolla e Orllanit do të shembet me ngritjen e digës së liqenit

Zyrtarët e partisë opozitare në Podujevë (PDK) thonë se kanë informacione se shkolla në fshatin Orllan do të rrënohet. Shefi i Grupit të këshilltarëve të kësaj partie, Rafet Llapashtica, ka thënë se ekziston një projekt që parasheh ngritjen e digës së liqenit të Batllavës edhe për 2 metra lartësi. Sipas tij, të gjitha objektet përreth liqenit do të rrënohen për shkak të ngritjes së nivelit të ujit.

“Me sa jemi të njoftuar ne, ekziston tashti një donacion evropian për ngritjen e digës në liqenin e Batllavës në nivelin prej dy metrave lartësi dhe do të bëhet rrethoja në tërësi e pjesës buzë asfaltit që përshkon rrugën nga fillimi i liqenit deri në Orllan.

Në bazë të njoftimeve, këtë projekt është biseduar ta përfundojnë çekët. Me sa e di edhe në fillim këtë digë e kanë mbikëqyrur inxhinierët çekë kur është ngritur penda e liqenit të Batllavës”, ka thënë Rafet Llapashtica.

“Në bazë të këtij projekti niveli i ujit do të ngrihet, ku objektet, të cilat gjenden në afërsi të liqenit duhet të largohen, sepse rrezikohen nga niveli i ujit në tërësi. Me sa jemi të njoftuar edhe Shkolla e Mesme në Orllan do të largohet nga aty dhe profilet e saj do të hapen në fshatin Batllavë në shkollën e re që është ndërtuar tashti afër xhamisë së fshatit”.

Shefi i GK të PDK-së thotë se tash pritet fillojë faza e dytë e rrënimeve nga Ministria e Mjedisit dhe Planifikimit Hapësinor.\Nexhat Tovërlani.

(Artikullin e plotë mund ta lexoni sot në “Koha Ditore”)