Thaçi: Në Paris nuk jam respektuar dhe nderuar unë, por Kosova

Presidenti i vendit Hashim Thaçi ka komentuar reagimet  në lidhje me pjesëmarrjen e Kosovës në ceremoninë e organizuar në Paris ku u shënua 100 vjetori i përfundimit të Luftës së Parë Botërore.

Thaçi ka theksuar se në Paris nuk u respektuar dhe nderuar ai, por këtu u respektua dhe u nderua Kosova, njofton gazetametro.net.

“Aty nuk është respektuar dhe nderuar Hashim Thaçi por Kosova. Unë edhe po të ulesha në këndin e fundit do të ndjehesha i nderuar në këtë manifestim dhe në asnjë mënyrë nuk do të bëja ndonjë skandal”, ka thënë Thaçi në Zona B.

Thaçi ka komentuar reagimet e liderëve serbë dhe të mediave serbe, duke thënë se nuk i dëgjon dhe nuk dëshiron të mirret me këto reagime./gazetametro.net