Kapen keq Rugova me Deshishkun: Mos fol shumë, në letra të ndërkombëtarëve nuk të del emri aq mirë

Mungesa e disa deputetëve të Lidhjes Demokratike të Kosovës në seancën e sotme, pasoi edhe me dështimin e rezolutës së propozuar nga vet kjo parti, rezolutë kjo që kishte të bënte për ndalimin e negociatave për territorin e Kosovës nga presidenti Thaçi në dialogun me Serbinë.

E këto mungesa kanë sjellur paknaqësi dhe reagime të mëdha brenda LDK’së, ish-deputeti i kësaj partie dhe bizismeni i njohur, Hashim Deshishku është kapur me mos prezencën e deputetit Naser Rugova në seancën e sotme, njofton gazetametro.net.

Deshishku ka shkruar se si disa nga njerëzit e familjes Rugova nuk e kanë votuar këtë rezolutë, duke pasur fjalën për deputetin Naser Rugova.

“Disa Deputet te LDK-së nuk e votuan rezuluten e LDK-së .Nder ta ishte edhe Naser Rugova po me habit fakti si nje njeri i Familjes Rrugova nuk e voton Rezuluten e LDK-sê ku ne te gjitha debatet televizive eshte kunder Hashim Thaqit dhe kur duhet me votu ,nuk e voton .Nese ështe e vertet vaj halli per kta deputet”, ka shkruar Deshishku në facebook, njofton gazetametro.net.

Ndërsa reagimi i menjëhershëm ka qenë nga deputeti Naser Rugova, duke arsyetuar mungesën e tij dhe duke thënë së është kundër presidentit Thaçi dhe se nuk ka qenë kurr ‘patericë’ në qeverisje me të.

“I nderuar Hashim,Para se te konstatoni duhet vertetar mire faktet. Une nuk kam qene fare prezent ne salle, e dijn koleget e mij te grupit ku kam qene dhe pse. Kam qene dhe jam kunder Hashim Thaqit dhe kete e dijn te gjithe, dhe jam krenar qe kurre nuk kam qene paterice dhe ne qeverisje me te. Prandaj mos bjer pre e spekulimeve te portaleve se populli e din kush eshte me Hashimin e kush jo.”, ju është përgjigjur Rugova, njofton gazetametro.net.

Por, duket se fjala ‘patericë’ e ka penguar Deshishkun, duke thënë se njerëzit me sëmundje kanë ardhur në seancën e sotme për ta votuar rezulutën.

“Edhe ma keq qe ske shku ne sall nese eshte e vertet .Se un e di qe njerzit e smut kan ardh me votu kur ka qen per te miren e shtetit”, ka replikuar Deshishku, njofton gazetametro.net.

Nuk ka vonuar replika e deputetit Rugova, ku i ka thënë Deshishkut se ndaj teje nuk jap llogari.

“Ty ste japi llogari, e na njifemi gjat, krejt e dijne kush jemi, kam pas termin zyrtar, dhe une vazhdoj punen time, dhe besoj perfundon me kaq!”, ju është përgjigjur Rugova.

Debati në Facebook ka vazhduar edhe pas këtij komenti, Deshishku  e ka pranuar se nuk po kërkon llogari ndaj Rugovës, por shpreson se do të ketë një takim zyrtar për votimin e kësaj rezolute të propozuar nga LDK.

“Po është e vertet qe sme jep llogari dhe nuk kerkoj llogari nga ti .Shpresoj qe ke pas takim ma zyrtar se ky i sodit per votim te rezolutes qe e ka prezentu LDK-ja”, ka shtuar Deshishku, njofton, gazetametro.net.

Ndërkaq debati ka përfunduar me komentin e fundit nga deputeti Rugova, ku i ka thënë se Deshishkut të i shikojë punët e tij, pasi është në disa ‘letra të ndërkombëtarëve’ ku emri nuk i del edhe aq mirë.

“Hashim thote fjala e popullit me hanger buken tane e mi kqyr punet e huja nuk eshte mire, bile ti duhet mi shiku punet tua se je ne do letra nderkombetare ku te del emri jo bash mire”./gazetametro.net