Shefat e grupeve parlamentare në takim për qëndrim harmonizues ndaj rezolutës së LDK-së

Deputetët e Kuvendit të Kosovës janë duke mbajtur një pauzë 20 minutëshe për të nisur më pas edhe vazhdimin e seancës së djeshme për të miratuar rezolutën e propozuar nga LDK-ja që çështjen e territorit të Kosovës.

Pauza u kërkua nga shefat e grupeve parlamentare, të cilët aktualisht janë në një takim të përbashkët për të arritur një harmonizim të qëndrimeve sa i përket votimit të kësaj rezolute, njofton Klan Kosova.

Seanca është paraparë të nis në ora 11:00 por ende deputetët nuk janë parë të pranishëm në sallë për të nisur punimet në kohën e paraparë.