Vuçiq: Kam njohuri se Ushtria e Kosovës bëhet më 28 nëntor

Kryetari i Serbisë Aleksandar Vucic ka deklaruar në takimin me një pjesë të përfaqësuesve politikë të serbëve të Kosovës se ka njohuri se kur do të formohet Ushtria e Kosovës.

Vucic ka thënë se kjo do të ndodhë më 28 nëntor, kur shënohet Dita e flamurit shqiptar, transmeton gazetametro.net.

“Kam njohuri se më 28 nëntor do të formohet Ushtria e Kosovës”, supozohet të ketë thënë Vucic, bën të ditur portali serb “Srbija danas” (Serbia sot).

Ndërkohë, institucionet kosovare nuk kanë dhënë ndonjë datë se kur mendojnë të sjellin për shqyrtim të dytë në Kuvend pakon e ligjeve për shndërrimin e FSK’së në ushtri.

Mirëpo, kishte qenë kryeministrit Ramush Haradinaj, ai që kishte paralajmëruar që finalizimi i shndërrimit të FSK’së në ushtri do të ndodhë brenda pak javësh.

Ndryshe, Kuvendi i Kosovës këtë muaj kaloi në lexim të parë tri ligjet që FSK’në e bëjnë ushtri. Tani Komisioni parlamentar nevojitet të votojë dhe çështja të sillet sërish në seancë për votim./gazetametro.net