Vdes mamia llapjane Sanije Topanica, iu ndihmoi grave në lindje gjatë luftës
Veseli: Përçarja politike në vend po i shërben Vuçiqit
Seanca e jashtëzakonshme e iniciuar nga LDK-ja, e mbështetur nga 42 deputetë do të zhvillojë debatin parlamentar lidhur me angazhimet e presidentit Hashim Thaçi në dialogun me Serbinë më 31 tetor nga ora 10:00
Kështu bëri të ditur pas mbledhjes së Kryesisë, kryetari i Kuvendit të Kosovës, Kadri Veseli, në një konferencë për media ku tha se mungesa e unitetit politik në vend po ia mundëson presidentit serb Aleksandar Vuçiq moderimin e dialogut Kosovë – Serbi.
Veseli i bëri thirrje spektrit politik që t’i evitojnë interesat partiake, në mënyrë që të kenë qëndrim të përbashkët në ballafaqimin me Serbinë.
Armend Zemaj nga LDK, subjekt ky që të enjten e shkuar inicioi seancën e jashtëzakonshme, tha se pati tentim të pozitës që seanca të mbahet më 1 nëntor.
Ndërsa sa i përket pjesëmarrjes ose jo të NISMA-s në seancën e së mërkurës, foli shefi i grupit parlamentar të këtij subjekti politik, Bilall Sherifi.
Ndryshe, kryetari i Kuvendit të Kosovës, Kadri Veseli, në një adresim për qytetarët e vendit, ka thënë dje se mungesa e unitetit rreth dialogut po e dëmton Kosovën dhe nuk duhet lejuar që t’i humbim partnerët tanë ndërkombëtarë, dhe se është koha për unitet dhe maturi.
Ai ka potencuar se SHBA-ja dhe BE-ja nuk do të presin pafundësisht për shkak të dallimeve të subjekteve politike kosovare dhe se me asnjë çmim nuk duhet lejuar të humbim partnerët tanë ndërkombëtarë./kp
