Kryetarja e Gjykatës Themelore të Prishtinës mban takim me gjyqtarët përgjegjës të Degëve

Kryetarja e Gjykatës Themelore në Prishtinë Afërdita Bytyçi ka mbajtur takim me gjyqtarët përgjegjës të Degëve të kësaj Gjykate në Podujevë, Lipjan, Drenas dhe Graçanicë, thuhet në një njoftim për media, transmeton PodujevaPRESS.com

Në takim është diskutuar lidhur me rezultatet e arritura nga secila degë veç e veç si dhe sfidat që ndërlidhen me punën e tyre me qëllim të rritjes së efikasitetit në këto degë.

Po ashtu gjatë këtij takimi është diskutuar sistemimi i gjyqtarëve të rinjë të cilët do të fillojnë punën së shpejti.

Kryetarja Bytyçi foli për rëndësinë e shtimit të numrit të gjyqtarëve të rinjë në efikasitetin e procedimit të lëndëve të cilat janë në pritje për tu zgjidhur.

Takimi i sotëm me gjyqtarët mbikëqyrës të Degëve përfundoi me diskutimin e shumë çështjeve të cilat ndërlidhen me punën e tyre në Degët e kësaj Gjykate.