Dhënia e 20 shtëpive në Podujevë, peng i ankesës së një banori

Shtëpitë e ndërtuara nga Ministria e Punës dhe Mirëqenies Sociale për banorët e “Lagjes së Dëshmorëve” nuk janë dhënë ende nga Komuna e Podujevës.

20 të tilla vazhdojnë të qëndrojnë të zbrazëta, ndërkohë që banorët jetojnë në objektet prej llamarine, shkruan sot Koha Ditore.

Banorët janë ankuar se 10 nga to ishin ndërtuar para më shumë se një viti, ndërsa 10 të tjera sivjet, por zyrtarët komunalë nuk po i përzgjedhin fituesit. Ata thonë se arsyeja e mosdhënies së çelësave është ankesa e një banori aty.

Zëdhënësi i Komunës së Podujevës, Nazmi Elezi, thotë se shtëpitë do të jepen në rastin kur të shqyrtohet ankesa.

(Artikullin e plotë mund ta lexoni në numrin e sotëm të Kohës Ditore)