Ja kur hiqen vizat për kosovarët, sipas presidentit Thaçi

Kreu i shtetit, Hashim Thaçi ka folur për mundësinë e liberalizimit të vizave.

Ai ka gjetur edhe fajtorët e vonesës për heqjen e vizave për kosovarët.

Thaçi gjatë një interviste në “Oksigjen” ka fajësuar subjektet politike, rreth vonesave të liberalizimit të vizave.

Ai në një emision televiziv ka deklaruar se vizat për Kosovën do të hiqen në momentin kur subjektet politike i lënë anash inatet dhe fillojnë të flasin mirë për Kosovën, në takime me zyrtarë të Bashkimit Evropian.

Sipas tij tregimi i sondazheve të bëra me të rinj kosovarë që synojnë shkuarjen në vendit e Bashkimit Evropian, i tmerrojnë zyrtarët e këtij institucioni.

“Vizat hiqen për Kosovën kur na flasim mirë për vendin tonë në takime të mbyllura me zyrtarë të Bashkimit Evropian e jo të u themi që sipas sondazheve qytetarët 80% thonë që kur të hiqen vizat do të shkojmë në Bashkimin Evropian. Kjo i tmerron ata. Kur të lihen inatet politike e të flitet mirë për vendin edhe hiqen vizat. Kriteret janë plotësuar”, ka thënë Thaçi.