UNMIK-u tërhiqet nga Kosova? Guterresh shqyrton letrën amerikane

Në letrën, të cilën më 9 tetor ia ka dërguar Guterresit, ambasdaroja amerikane pranë OKB-së Nikki Haley ka kërkuar inicimin e strategjisë dalëse për UNMIK-un, gjë që në Beograd është vlerësuar si iniciativë për shkuarjen e këtij misioni nga Kosova.

Sekretari i përgjithshëm i Kombeve të Bashkuara António Guterres po e shqyrton nismën amerikane për inicimin e strategjisë dalëse për misionin e OKB-së në Kosovë, i është thënë agjencisë serbe Beta në selinë e organizatës botërore në Nju Jork.

Në pyetjen se a e ka marrë sekretari i përgjithshëm i OKB-së letrën e ambasadores së ShBA-ve pranë OKB-së Nikki Haley dhe cilat janë procedurat e mëtejme dhe hapat e mundshë, nga kancelarja e zëdhënëses së sekretarit të përgjithshëm të OKB-së është thënë se tash për tash mund të themi se “sekretari i përgjithshëm e ka parë letrën dhe po e shqyrton”, transmeton gazetametro.net.

Në letrën, të cilën më 9 tetor i ka dërguar Guterresit, ambasadorja amerikane pranë OKB-së Nikki Haley ka kërkuar inicimin e strategjisë dalëse për UNMIK-un, gjë që në Beograd është vlerësuar si iniciativë për shkuarjen e këtij misioni nga Kosova.

Kryetari i Serbisë Aleksandar Vucic ka thënë të mërkurën se shkuarja e UNMIK-ut, si dhe formimi i ushtrisë së Kosovës, e ka vënë Serbinë në “pozitë tmerrësisht të vështirë”, në të cilën nuk ka më zgjidhje dhe duke u kërcënuar “pos të mbrojë popullin e tij”. /gazetametro.net