Shënohet Dita Ndërkombëtare për zhdukjen e varfërisë

17 tetori shënon Ditën Ndërkombëtare për zhdukjen e varfërisë, sipas Kombeve të Bashkuara.

Në Kosovë, sipas Agjencionit të Statistikave të Kosovës në vitin 2011 Varfëria e Përgjithshme ishte 29%, ndërsa Varfëria Ekstreme ishte 10%. Në vitin 2015 varfëria e skajshme shënoi 5.2%.

Varfëria ekstreme shifrën më të lartë e kishte shënuar në vitin 2008 me 18%.

Papunësia në vitin 2017 ishte 156,586 persona. Ndërsa konsumi vjetor i ekonomive familjare për kokë banori 1,511 euro ose 4,1 euro në ditë.

Ndërsa sipas Bankës Botërore, të një raporti që e kishte publikuar muajin e kaluar, globalisht varfëria ekstreme ose ata që jetojnë me më  pak se 1.9 dollarë në ditë,  ka rënë nga 1.9 miliardë njerëz në vitin 1990 në 736 milionë njerëz në vitin 2015.

Megjithatë numri i njerëzve që jetojnë në varfëri të skajshme ka shënuar rritje në Afrikë, duke përbërë gjysmën e të varfërve ekstrem të vitit 2015.