Gjinekologjia bëhet me salla të reja të operacionit

Ai ka treguar se tashmë kjo klinikë është bërë me salla të reja të operacionit, ku janë blerë tavolina operative moderne dhe llamba operative që ofrojnë ndriçim të mjaftueshëm që operacionet të bëhen pa ndonjë problem.

Përveç tavolinave operative, ministri Ismaili ka njoftuar se janë blerë edhe 5 tavolina gjinekologjike, me mekanizma modernë për të lehtësuar edhe punën e profesionistëve shëndetësorë.

“Po i japim fund edhe gjendjes jo të mirë në Klinikën e Gjinekologjisë në QKUK. Për vite me radhë kjo klinikë ka funksionuar me pajisje të vjetra në sallat e operacionit, të cilat kanë vështirësuar punën e profesionistëve shëndetësorë. Kemi blerë tavolina moderne gjinekologjike, tavolina të reja operative dhe llamba operative për të gjitha sallat, për të rritur sigurinë dhe cilësinë e shërbimeve”, ka thënë ministri Ismaili.

Në fund, ai ka treguar se brenda pak ditëve, në këtë klinikë, do të ndërrohen edhe shtretërit për pacientet.