Ministri i shkarkuar i hakmerret ish shefit, ja veprimi i habitshëm ndaj Pacollit

Ministri i MPB-së, Bejtush Gashi, është shkarkuar dje nga pozita që mbante në qeveri prej disa muajsh, për t’u zëvendësuar me Ekrem Mustafën, për emërimin e të cilit ka lobuar deputeti i AKR-së Labinot Tahiri.

Bejtush Gashi i cili sot e dorëzoi zyrtarisht detyrën, më shumë se 24 orë pas shkarkimit ka dhënë një sqarim publik pse është shkarkuar, duke thënë se kjo ka qenë kërkesë e Behgjet Pacollit dhe nuk ka të bëjë me mosperformancën e tij si ministër, transmeton gazeta online Veriu.info.

Ish ministri Gashi në reagimin e tij ka falënderuar kolegët qeveritar, por jo edhe presidentin e AKR-së, Behgjet Pacolli, me ç’rast duket se i është hakmerr për shkarkim.

Ja reagimi i plotë i Bejtush Gashit:

“Të nderuar qytetarë të Kosovë, kolegë, miq dhe dashamirës,

Siç jeni njoftuar nëpërmjet mediave, prej ditës së sotme unë nuk do t’a ushtroj më detyrën e Ministrit të Punëve të Brendëshme të Republikës së Kosovës.

Sado e habitëshme që mund të duket po të mbajmë parasysh përvojën e vendeve demokratike të zhvilluar, arësyeja e zëvendësimin tim ka qenë një kërkesë e kryetarit të AKR-së për riformatizim të qeverisë dhe asnjë arësye tjetër që lidhet me performancën time gjatë ushtrimit të kësaj detyre.

Do të doja t’a shfrytëzoj këtë rast për të shprehur mirënjohjen time për bashkëpunimin e frytshëm me kolëgët ministra të kabinetit qeveritar dhe të gjithë punonjësit e Ministrisë me të cilët kam drejtuar gjatë këtyre gjashtë muajve.
Kjo periudhë e shërbimit tim në detyrën e ministrit ishte nderë e previlegj, si dhe burim i një përvoje të pasur dhe të çmuar për veprimtarinë time të mëtejshme.

Do të doja t’u dërgoj një falënderim publik edhe të gjitha medieve që e kanë përcjellë me korrektësi profesionale të gjithë veprimtarinë time gjatë këtyre muajve duke përfshirë edhe zëvendësimin tim prej detyrës së ministrit!”, ka shkruar Gashi.