Vdes mamia llapjane Sanije Topanica, iu ndihmoi grave në lindje gjatë luftës
Ish trajneri i Shqipërisë: Boll më me lojtarë të Kosovës
Grumbullimi i Kastriot Dermakut nga Kristian Panuçi për ndeshjet ndaj Jordanisë dhe Izraelit solli një debat në studion e emisionit “Kuqezi” në “Supersport”.
Mbrojtësi ishte pjesë e grumbullimit të Kosovës një muaj më parë, por nuk u aktivizua nga Bernard Shaland.
Një prej të ftuarve në panel ishte dhe ish-trajneri i kombëtares shqiptare, Astrit Hafizi. Ai tha se për të mos pasur më të tilla situata, kombëtarja shqiptare nuk duhet të ftojë shqiptarë të Kosovës, një ide kjo që nuk u mbështet nga pjesa tjetër e panelit.
“Duhet t’u vëmë fre këtyre lëvizjeve që po bëjmë duke marrë lojtarë nga Kosova. I ka ikur koha kësaj, më përpara ishte e domosdoshme, pasi Kosova nuk kishte as federatë dhe lojtarët kishin leverdi të përmendeshin e të dilnin në skenë dhe ne bëmë shumë mirë që i morëm”
“Sot, unë mendoj se duke ardhur ky lojtari i Kosovës (Dermaku), i zihet vendi një lojtari tjetër nga Shqipëria. Kjo nuk është zgjidhje. Si frenohet? S’duhet t’i marrim më”, tha Hafizi.
