Anëtarësimi në BE duhet të shfrytëzohet për barazinë gjinore

Rrjeti i Grupit të Grave të Kosovës, përmes një konference për media ka bërë sot prezantimin  e tri dokumenteve të punës për barazi gjinore dhe anëtarësimin e Kosovës në BE.

Zëvendësministrja e Integrimeve Evropiane Anila Statovci tha se barazia gjinore luan një rol të rëndësishëm në zhvillimin e shoqërisë.

“Barazia gjinore është në çdo sferë të jetës. Parimi kryesor është se barazia gjinore ne ministrinë e Integrimeve e kemi pa në tekstet shkollore ku është kufiri i ndarjes së barazisë gjinore”, ka thënë Statovci, transmeton arbresh.info.

Procesi i anëtarësimit në BE mund të jetë i rëndësishëm vetvetiu për avancimin gjinor, siç është harmonizimi i legjislacionit të Kosovës me acquis të BE-së për barazi gjinore dhe parimet kundër diskriminimit.

Aktivistët për të drejtat të grave në vendet e tjera kanë vërejtur dhe kanë theksuar rëndësinë e shfrytëzimit të momentit të procesit të anëtarësimit në BE për të krijuar politikat që do ta mbrojnë dhe të ndihmojnë barazinë gjinore në përputhje.

Pjesë e këtyre dokumentave që u prezanton ishin: Si mund të ndikojë anëtërsimi në BE në barazinë gjinore në Kosovë, çfarë presin gratë nga procesi i anëtarësimi në Bashkimin Evropian etj