Vjosa Osmani, burrin me Pacollin në Nju Jork, e vet në protestë të Vetëvendosjes

Deputetja e LDK’së, Vjosa Osmani, vazhdon të bëj politikë populliste, dhe përveç se nuk respekton vendimet e partisë së saj, edhe bashkëshorti i saj i shërben një politike për të cilën ajo sot po proteston në shesh, përkrah Vetëvendosjes.

Derisa Vjosa Osmani, po proteston kundër qeverisjes dhe diplomacisë kosovare, bashkëshorti i saj, Prindron Sadriu, shihet bashkë me ministrin e Jashtëm Behgjet Pacolli, në vizitën e këtij të fundit në Asamblenë e Përgjithshme të OKB’së në Nju Jork.

Presidenti Hashim Thaçi në idenë e tij të fundit për dialog me Serbinë, kundër së cilës po protestohet sot në shesh, bashkëpunëtorin më besnik e ka Pacollin, të cilit i shërben bashkëshorti i Vjosa Osmanit.

Prindron Sadriu, është drejtor për çështje rajonale në Ministrinë e Punëve të Jashtme. Ai edhe më herët ka shërbyer në këtë ministri, por tani pas ardhjes aty Pacolli, ai shihet teksa e shoqëron ministrin edhe në vizita zyrtare jashtë shtetit, sikur edhe kjo e fundit në Nju Jork, ku Pacolli përveç tjerash është takuar edhe me kryeministren serbe, Ana Brnabic dhe ministrin e jashtëm serb, Ivica Dacic. /gazetametro.net