Ministri Ismaili flet për pacienten 74 vjeçare nga Podujeva (Foto)

Ministri Ismaili pas vzitës që kishte bërë ne repartin e Kardiologjisë në QKUK, ka folur edhe për shërbimet rreth intervenimeve emergjente që po marrin pacientet, njofton PodujevaPRESS.

Ministri i Shëndetësisë Uran Ismaili po ashtu ka bërë me dije se pacientja Dinora Syla në moshën 74 vjeçare nga Podujeva, është pacientja e 1000 brenda vitit që iu është bërë stentimi në zemer, krejt kjo pas reformave të ndërmara në këtë repart.

Postimi i plotë:

Stentohet pacienti i 1000-të brenda vitit në QKUK!

I lumtur dhe krenar që reformat tona në shëndetësi po japin rezultate. 74-vjeçarja nga Podujeva, Dinora Syla, u bë pacientja e njëmijtë e cila përfiton nga shërbimi 24-orësh kujdesin e zemrës dhe stentimin në QKUK. Para se të kthehet në familjen e saj, pas një ndërhyrjeje të suksseshme, ajo ishte mirënjohëse ndaj infermiereve dhe mjekëve për shërbimin e mirë ndaj saj. Mbi 5 milionë euro kursime të xhepit të qytetarëve këtë vit vetëm nga stentimet. Familje të shumta që kanë shpenzuar kursimet familjare jashtë institucioneve publike, sot trajtohen pa pasur nevojë të presin dhe pa pagesë në QKUK. Me përkrahjen e duhur, mjekët tanë mund të bëjnë mrekulli në vendin tonë, e përkrahja nuk do t’u mungojë.