Komunën e Podujevës e vizitojnë një delegacion nga Velberti i Gjermanisë (Foto)

Në rrjetin social facebook, kryetari i Komunës së Podujevës Agim Veliu, ka shkruar se sot ai ka pritur miq nga qyteti Velbert i Gjermanisë, transmeton PodujevaPRESS.com

Vizita e delegacionit të qytetit gjerman Velbert do t’i paraprijë procesit final të binjakëzimit të dy qyteteve tona, thuhet në njoftim.
Delegacioni ka në përbërje përgjegjës nga fusha, në të cilat do të shtrihet bashkëpunimi ynë në të ardhmen.
Pjesë e delegacionit janë: Burghardt Fülling – përfaqësues politik i qytetit të Velbertit (CDU), Babete Lange – përfaqësues për arsim dhe rini, Andreas Brembeck – përfaqësuese për sport, Rainer Jadjewski – përfaqësues i institucioneve të përkujdesjes sociale si dhe Rrahman Islami – Kryetar i Shoqatës të miqësisë Velbert – Podujevë dhe Dr. Paul -Jurgen Stei – nënkryetar i kësaj shoqate dhe humanist.
Ndërsa, sot në takim me mysafirët nga qyteti gjerman prezantova profilin e Komunës së Podujevës me të gjitha specifikat, përparësitë dhe mundësitë që ofron Podujeva për bashkëpunim në të ardhmen.
Po ashtu, së bashku me delegacionin gjerman vizituam objektin e ri të administratës komunale, i cili pritet të finalizohet së shpejti.

Veliu ka shkruar se “së bashku me miqtë nga Velberti i Gjermanisë vizituam Stadiumin “Zahir Pajaziti”, ku takuam udhëheqjen e FC Llapi, trajnerin dhe futbollistët.

Nga përfaqësuesit e sportit të Velbertit morëm premtime për krijimin e bashkëpunimit mes FC Llapi dhe klubeve të këtij qyteti”.

Poashtu ata sot kanë bërë vizitë gjatë ditës të rinjtëve pjesëmarrës në kampin e organizuar nga Qendra Rinore, i cili po mbahet në Orllan.
Po ashtu ata kanë vizituar edhe Klubin e notit në Shkollën “Zenit” si dhe Shoqatën “Handikos” në Podujevë.