Kjo është vitamina që parandalon shfaqjen e kancerit të gjirit

Në të përditshmen tonë dëgjojmë dhe lexojmë shumë informacione rreth vitaminave dhe rolit të tyre në organizmin tonë. Por shumë pak prej nesh e dinë çfarë janë në të vërtetë dhe cila është dobia e tyre.
Vitamina janë përbërës natyralë që gjenden pothuaj në të gjitha ushqimet. Ndonëse në sasi të vogla, ato janë thelbësore për të gjitha funksionet e organizmit përfshirë rigjenerimin e indeve dhe parandalimin e shumë sëmundjeve. Deri më sot janë identifikuar 13 lloje vitaminash si A, C, D, E, K dhe tetë varietete të vitaminës B.
Duke u ndalur tek to, duhet ritheksuar që vitamina D është e vetmja vitaminë që krijohet nga trupi i njeriut. Ajo prodhohet nga në lëkurë nga kontakti me rrezet e shëndetshme të diellit.
Rëndësia e saj është jetike në parandalimin e shumë sëmundjeve. Studimi më i fundit i bërë nga University of California ka provuar që vitamina D parandalon në masën 50% shfaqjen e kancerit të gjirit.
Shkencëtarët amerikanë analizuan një kampion femrash të moshës 40-50 vjeç dhe vunë re që femrat të cilat kishin një nivel të lartë të 25-hidroksi vitaminës D rrezikonin të prekeshin më pak nga ky kancer malinj.
Ndër burimet kryesore të vitaminës D përmendim të verdhën e vezës, qumështin e lopës, kërpudhat, peshku ton, sardelet, vaji i mëlçisë së merlucit etj.