Qeveria mbledhje urgjente, votohet Projektligji për transformimin e FSK-së në Ushtri

Qeveria e Republikës së Kosovës ka mbajtur sot një mbledhje urgjente, ku është propozuar edhe zyrtarisht transformimi i Forcës së Sigurisë së Kosovës në ushtri, gjegjësisht është votuar Projektligji për transformimin e FSK-së në Ushtri.

Propozimin e këtij Projektligji e bëri në mbledhjen e Qeverisë së Kosovës, ministri i FSK-së, Rrustem Berisha.

Ministri Berisha në mbledhjen e qeverisë propozoi ndryshimin e tri ligjeve për FSK-në.

FSK-ja me ndryshimin e këtyre tri ligjeve merr detyra të reja dhe Ministria e FSK-së avancon në Ministri të Mbrojtjes.