Ngritet paga e Agim Veliut, i bëhet 1434 euro, kurse asambleistët pagën do ta kenë 406 euro (Dokument)

Me projektligjin e ri për pagat të hartuar nga Ministria e Administratës Publike e Qeverisë së Kosovë, janë përcaktuar edhe rrogat e kryetarëve të komunave, kryesuesve të Kuvendeve Komunale dhe asambleistëe të Kuvendeve Komunale.

Portali Veriu.info ka siguruar projektligjin e hartuar nga grupi punues i udhëhequr nga Ministria e Administratës Publike, ku shihen koeficientët për kategoritë e ndryshme të shërbimit civil, duke përfshirë ministritë dhe komunat.

Nëse ky projektligj miratohet nga Kuvendi i Kosovës, kryetarët e komunnave do të kenë rrogë prej 1434 euro.

Kryesuesët e Kuvendeve Komunale, do të paguhetn me 872 euro. Ndërsa, anëtarët (asambleistët) e Kuvendeve Komunale do të kenë rrogë prej 406 euro, dyfish më shumë se deri tash, ku janë paguar me 200 euro.

Këta janë koeficientët, të cilët do të shumëzohen me 239 euro.