Podujevë: Për 6 vite qera, asnjë cent komunës nuk ja paguan

Në raportin e publikuar nga Auditori i Përgjithshëm, lidhur me të gjeturat në komunën e Podujevës për vitin 2017, thuhet se komuna ka probleme në mbledhjen e borxheve nga qeraja, transmeton PodujevaPRESS.com

Në një rast, komuna ka ngarkuar me qira mujore personin edhe pse kontrata i ishte ndërprerë, megjithëse i njëjti vazhdon ta shfrytëzon pronën komunale pa kontratë, thuhet në raport. Obligimet e tij ndaj komunës kishin arritur vlerën 12,538€.

Ndërsa në një rast tjetër, edhe pse qiramarrësi ishte i obliguar të paguaj vlerën prej 330€ për qira mujore, ai nuk ka paguar asnjëherë duke u rritur borxhi i tij në 22,110€, si dhe të njëjtit nuk i është ndërprerë kontrata dhe vazhdon të shfrytëzoje të njëjtën pronë. Komuna aktualisht kishte shpërndarë njoftime tek qiramarrësit që nëse nuk paguajnë borxhin do të merren masa ndaj tyre./PodujevaPRESS.com/