Asambleisti i PDK-së pyet zyrtarët komunal në Podujevë: Çfarë po ndodh me KF Llapi?

Asambleisti i Partisë Demokratike të Kosovës dega në Podujevë, Fatmir Rudari, në seancën e fundit të mbajtur më 28 mars 2018, ka ngritur si çështje problematike funksionin e komisiontit, të ngritur nga Kuvendi Komunal i Podujevës për klubin e futbollit Llapi, transmeton PodujevaPRESS.com

Ai ka pyetur se pse asnjëherë nuk është thirrur ky komision, dhe pse asnjë informacion nuk u është dhënë anëtarëve të këtij komisioni sa i përket çështjes për të cilën është formuar.

Kujtojmë se mandatin e kaluar Kuvendi Komunal i Podujevës ka ngritur një: “komision për zhvillimin e procedurave të shprehjes së interesit dhe propozimit të aksionarëve të klubit të futbollit Llapi në Podujevë”

Fatmir Rudari ka thënë se me vetë faktin që zyrtarët komunal nuk po raportojnë, ngriten dyshimet për parregullësi brenda klubit. /PodujevaPRESS.com/