Peci dorëzohet para presionit publik: Anulon grantet për këshilltarin e tij dhe
Kosovarët e bëjnë për pesë pare Edi Ramën në Facebook
Nga sot kushdo që kalon “Rrugën e Kombit” do të paguajë 5 euro për ata që udhëtojnë me makina të vogla ndërsa 10 euro ato me mjete të rënda. Po kaq euro duhet të paguani nëse ktheheni në të njëjtën rrugë. Pra, një shofer makine do të duhej t’i rezervojë 10 euro për t’i paguar si taksë rrugës që kalon.
Në Kosovë kanë paralajmëruar ankesa për këtë taksë.
Të paktën dhjetë euro duhet t’i rezervoni për taksën rrugore nëse vendosni të shkoni me makinë nga Kosova në Shqipëri. Kaq para duhet të paguani dy drejtimet nëse kaloni nëpër autostradën e ndërtuar në kohën kur Shqipëria udhëhiqej nga Sali Berisha.
Taksa rrugore edhe më e lartë është vendosur edhe për automjetet e rënda si autobusë dhe kamionë. Kushdo që kalon me këto mjete nëpër rrugën e kombit do të detyrohet të paguajë 20 euro për dy drejtimet. Taksa vlen edhe për banorët e zonave nga kalon autostrada.
Vendimi i Shqipërisë nuk është pritur mirë nga shqiptarët e Kosovës, të cilët të revoltuar janë shprehur në mediat sociale se në vendet tjera të Europës kjo takë është më e ulët dhe e papërfillshme.
“Po sigurisht që është e shtrenjtë, ka shqiptarë nga Kosova që udhëtojnë 10 herë në muaj drej Shqipërisë, dhe për secilën herë të paguajë nga 5 euro kjo është shumë, 5 euro në muaj do të ishte e drejtë”, shprehet një komentues në facebook.
“Në Zvicër paguan 38 euro në muaj dhe sa janë të ardhurat këtu e sa janë atje”, thotë një tjetër.
