‘Protestë gjithëpopullore – Pro demarkacionit’ në Prishtinë

Odiseja e ratifikimit të demarkacionit me Malin e Zi ende nuk po e sheh fundin.

Për këtë, një grup studentësh ka organizuar një protestë për të mërkurën në mesditë, qëllimi i së cilës është grumbullimi i sa më shumë qytetarëve të cilët kërkojnë ratifikimin e marrëveshjes së demarkacionit me Malin e Zi.

“Studentët nga fakultetet e ndryshme në Republikën e Kosovës organizojnë protestë gjithëpopullore PRO votimit të demarkacionit me Malin e Zi.

Ftohen të gjithë qytetarët e Republikës së Kosovës që janë KUNDËR izolimit të këtij vendi që t’i bashkohen kësaj iniciative me datën 7 MARS 2018 në ORA 12.00, ditën kur Kuvendi do të mblidhet përsëri për të tentuar ratifikimin e kësaj marrëveshje”, thuhet në ngjarjen e organizuar përmes Facebookut.

Protesta është e thirrur për nesër (e mërkurë) në orën 12:00 dhe parashihet të zgjasë deri në orën 14:00 para objektit të qeverisë, në sheshin Skënderbeu në Prishtinë.