Bisht miu në gjellë – policia heton “Beni Donën” (Foto)

Policia e Kosovës ka njoftuar se ka filluar hetimet ndaj kompanisë “Beni Dona” që furnizon me ushqim Njësinë Speciale të Kosovës, pas dyshimeve se në ushqim është gjetur diçka e dyshimtë.

Sipas sqarimit nga policia, edhe për kundër që ekziston mbikëqyrja dhe kontrolli i vazhdueshëm, zyrtarët përgjegjës të cilët pranojnë ushqimin në baza të rregullta e kanë të drejtën e ankesës që ndërlidhet me kualitetin e ushqimit.

“Edhe pse raportimi ka ndodhur disa ditë me vonesë, me pretendimet se në ushqim është gjetur diçka e dyshimtë, autoritetet kompetente brenda PK-së kanë filluar të gjitha veprimet e nevojshme për ta trajtuar dhe verifikuar rastin. Fotografia e publikuar në media nuk përcakton vendin, kohën dhe as rrethanat që ndërlidhin me rastin”, thuhet në sqarimin e policisë .

Për më tepër policia thotë se është duke e trajtuar me seriozitet këtë raportim në lidhje me dyshimet e raportuara.

Në media sot u raportua se në ushqimin e Njësisë Speciale u gjetë diçka e dyshimtë.