Policia gjen drogë në autobus në Merdar të Podujevës

Policia e Kosovës njofton se mbrëmë rreth orës 23:30 në stacionin policor kufitar në Merdar, gjatë kontrollit të kryer në autobusin e një kompanie në dalje të Kosovës zyrtari policor kompetent gjatë realizimit të kontrollit në bagazhin e autobusit kishte hasur në një valixhe në të cilën dyshohej se kishte një sasi të substancës së dyshuar narkotike.

Pas veprimeve të nevojshme lidhur me ketë, Policia ka arritur ta identifikojë një person, të dyshuarin me inicialet S.J. (me vendbanim në Beograd).

Janë njoftuar njësitet relevante të antidrogës, K9 dhe forenzika dhe pas kontrollit të detajuar ka rezultuar ne gjetjen e mbi 4 kg (4 kg 0.75 gram) substancë e dyshuar narkotike e llojit marihuanë, njofton Policia.

“Pas konsultimit me prokurorin kompetent është inicuar rasti për trafikim të substancave narkotike dhe i dyshuari është dërguar në mbajtje për procedura të mëtejme”, thuhet në njoftimin e Policisë.