Mbërrin moti siberian: Bora zbardh Podujevën, rënie drastike e temperaturave |Tabela për 5 ditë

Siç parashikojnë meteorologët, gjatë ditëve të fundit të muajit shkurt dhe fillimit të marsit acari siberik do përfshijë vendin tonë, duke sjellur kështu të ftohtin e madh në ditët e fundit të dimrit. Ky i ftohtë do përcillet me reshje bore, përcjell gazetametro.net.

Mëposhtë keni parashikimet e motit nga sot (26 shkurt) deri më 2 mars.

25.02.2018 – Acari siberik i shtyrë nga një super anticiklon i krijuar mbi Skandinavi, tashmë ka filluar të marshojë mbi pjesën më të madhe të kontinentit Europian dhe rajonin tonë. Në ditët në vijim do të mbajë mot shumë i ftohtë, derisa në jug të rajonit vorbulla ciklonike nga Mesdheu do të sjellin mbi vendin tonë kohëpaskohe kushte për reshje bore.

27.02-28.02 – Mot shumë i ftohtë, kryesisht me vransira, por pritet të ketë edhe intervale me diell. Të martën kohëpaskohe priten reshje të dobëta bore, e të mërkurën mundësi për rrebeshe të dobëta bore.

1.03-2.03 – Në ditët e para të pranverës meteorologjike do të mbajë mot i ftohtë. Të enjten pjesërisht i vranët, e në mbrëmje vransirat do të shtohen dhe priten mundësi edhe për reshje të dobëta bore. Të premten reshjet e borës do të vazhdojnë në mëngjes, e gjatë ditës mund të shndërrohen në shi.

Tabela e temperaturave.

Sipas parashikimeve të fundit, në fundjavë, acari siberik do të tërhiqet nga lindja, e masa më të ngrohta ajrore nga Mesdheu do të sjellin mot më të butë me mundësi edhe për reshje shiu. Në ditët e ardhshme vlerat e AQI do të sillen kryesisht ndërmjet vlerave mesatare, e ditën e mërkurë do të kalojnë edhe në vlera të pashëndetshme.

Temperaturat e ajrit, do të zbresin ndjeshëm në vlera mesatare, me minimale që po parashihet të zbresin në -15C deri 7C, e ato maksimalenë -4C deri -2C, por ditën e premte maksimalet pritet të rriten mbi 0C.

Era do të fryejë mesatarisht e fuqishme nga verilindja 2-9m/s. Shtypja atmosferike në fillim do të zbres nën vlera normale, e më pas gradualisht do të shënojë rritje.