Minisitri, Shyqiri Bytyqi ka një njoftim për të gjithë mësimdhënësit

Ministri i Arsimit, Shkencës dhe Teknologjisë, Shyqiri Bytyqi ka njoftuar se tashmë MASHT-i e ka finalizuar Ligjin për statusin e punëtorëve të arsimit shqip të Kosovës për vitet 1989/90 – 1998/99, shkruan GazetaBlic.

Sipas ministrit Bytyqi, në këtë ligj tani është duke u parë vetëm ndikimi buxhetor, por ka shtuar se, kjo nuk varet nga MASHT-i.

Ky ligj është finalizuar pas takimit të ministrit Bytyqi, Kryeministrit Haradinaj dhe ministrit të Financave, Bedri Hamza me përfaqësuesit e SBASHK-ut.

Ky është shkrimi i plotë i tij:

Të nderuar mësimdhënës, ju njoftoj se ditë më parë së bashku me Kryeministrin Haradinaj dhe ministrin e Financave Hamza, takuam përfaqësuesit e SBASHK-ut.

Gjatë takimit veç tjerash diskutuam edhe rreth Ligjit për statusin e punëtorëve të arsimit shqip të Kosovës për vitet 1989/90 – 1998/99.

Ministria e Arsimit, Shkencës dhe Teknologjisë tashmë ka finalizuar këtë Ligj të cilin e kemi dërguar për miratim, dhe tani është duke u parë vetëm ndikimi buxhetor që nuk varet nga ne. Sh.Bytyqi