Peci dorëzohet para presionit publik: Anulon grantet për këshilltarin e tij dhe
Plagosja në Vranjevc, fqinjët u përleshën për këtë arsye
Një ditë më parë, në “Kodrën e Trimave”, ndodhi një plagosje me armë zjarri. Protagonistë të ngjarjes ishin dy fqinj, të cilët u përplasën për vendparkimin e veturës. Gazeta Express të enjten ka qëndruar te shtëpitë e të dy familjeve, por që të njëjtit nuk kanë pranuar të flasin për këtë çështje. Disa banorë thonë se viktima ka pasur probleme me shumë fqinj të tij.
Një mosmarrëveshje ndërmjet fqinjëve për një vend parkim, mbrëmë ka rezultuar me plagosjen e D.H në “Kodrën e Trimave”, e njohur si Vranjevc.
Dy protagonistët nuk kanë mundur të merren vesh mes vete dhe pas mosmarrëveshjes, njëri nga ta është plagosur me armë zjarri.
Gjatë ditës Gazeta Express ka qëndruar te shtëpia e dorasit E.M dhe viktimës D.H, mirëpo asnjëra prej tyre nuk kanë dashur të flasin për këtë çështje.
Viktima D.H kishte pësuar lëndime në krahun e majtë, por është jashtë rrezikut për jetë dhe pas trajtimit në QKUK ishte liruar.
“Nuk kom qejf me qit kurgjo, është e drejtë e imja, ka ndodh qysh ka ndodh, kojshi jemi”, u shpreh ai.
Të gjithë këtë ngjarje e kanë përjetuar rëndë edhe familja e vetë dorasit E.M.
Nipi i tij thotë se familjarët nuk dëshirojnë të flasin për këtë çështje.
“Familja nuk janë të gatshëm për intervistë, e kanë përjetua pak rëndë dhe nuk po dëshirojnë të flasin për këtë çështje”, u shpreh nipi i tij.
Mirëpo, sipas disa qytetarëve, viktima D.H ka pasur probleme edhe me shumë fqinj të tjerë.
N.O., tregon për Express se si viktima njëherë ia kishte sjellë policinë në lokalin e tij me arsyetimin se po ia lënë veturat në rrugë.
“Na nuk jemi kanë mbrëmë. Ky që është plagos ka ardh që nja dy vjet diku këtu, nuk ka qenë i kësaj ane. Këta tjerët kanë qenë të urt, vallahi bre me u çuditë. Askush nuk po dike asgjë. Këta familja e dorasit janë shumë të urtë, kurrë problem nuk kemi pas me ta. A ky tjetri prej se ka ardh ka pas probleme me plot banorë, jo kerret po mi leni në rrugë, bile njëherë na pat pru policinë këtu në lokal. Edhe nuk foli asnjëherë me të, sa herë e takoj e kthej kokën”, tha ky qytetar.
Fjalë jo të mira për viktimën pati edhe një person tjetër, i cili deshi të mbetet anonim.
“Me të gjithë fqinjët ka pas problem. Madje një kojshi këtu na tregoi qysh reja e tij e ka çel dritaren e tualetit dhe ky ka shkua ju ka thanë qysh pe çel po më këqyr mu atje”, tha një qytetar tjetër, banor i kësaj ane.
Mbrëmë rreth orës 19:30, policia e Kosovës kishte pranuar një informatë për një plagosje me armë zjarri, ku viktima kishte pësuar lëndime trupore.
“Janë arrestuar dy të dyshuar, të cilët pas një mosmarrëveshje për vend parkim, kanë sulmuar viktimën , duke i shkaktuar lëndim trupor. Viktima pas tretmanit mjekësor në QKUK dhe pas intervistimit është liruar. Nga i dyshuari është konfiskuar një armë zjarri, pushkë gjuetie e përdorur në rast, po ashtu në vendin e ngjarjes është konfiskuar një gëzhojë kalibër i panjohur. Me vendimin e prokurorit të shtetit njëri nga të dyshuarit dërgohet në mbajtje kurse i dyshuari tjetër lirohet në shtëpi”, thonë zyrtarët policor.
Ndërkohë, dy policë që nga mëngjesi kanë qëndruar para dyerve të shtëpive të tyre./A.S//Express/
