Delawie në Kuvend për demarkacionin, takon këtë grup parlamentar

Ambasadori i Shteteve të Bashkuara të Amerikës, Greg Delawie ka zhvilluar një takim me deputetët e komuniteteve pakicë.

Diplomati amerikan ka sugjeruar përfaqësuesit e Grupit 6+ që nesër të votojnë pro ratifikimit të Demarkacionit në Kuvend.

Deputetja e këtij grupi, Duda Balje ka konfirmuar për “Indeksonline” se qëndrimi i tyre do të jetë në vijë të së mirës së Republikës së Kosovës.

“Po, grupi 6+ unanimisht është pro votimt”, ka thënë shkurt ajo.

Ndërsa, mësohet se ambasadori Delawie ka kërkuar nga përfaqësuesit e minoriteteve që demarkacioni duhet që patjetër të aprovohet në Parlament.

“Duhet të shkohet një hap më tutje për liberalizimin. Pronarët atje mund ta shfrytëzojnë tokën edhe më tutje”, është shprehur ai.