Vdes mamia llapjane Sanije Topanica, iu ndihmoi grave në lindje gjatë luftës
Delawie i bindur: Demarkacioni ratifikohet këtë javë
Ambasadori i SHBA-së në Kosovë, Greg Delawie, ka deklaruar se pret që marrëveshja për demarkacionin të ratifikohet këtë javë.
Ai përmes një postimi në Twitter tha se ratifikimi i demarkacionit do të shënojë nisjen e dekadës së dytë të përparimit të Kosovës.
“Çfarë fundjave e pabesueshme. Festimet për 10-vjetorin e pavarësisë së Kosovës përfundojnë sot, por ne presim një dekadë të radhës të përparimit që nis këtë javë me ratifikimin e demarkacionit”, shkruan diplomati amerikan.
Ndërkohë, për miratimin e Demarkacionit hapat e shpejtë i ka nisur edhe kryeministri Ramush Haradinaj, i cili thirri për nesër dy mbledhje ku do të merren me këtë çështje.
Ndërkohë, problemi i numrave po vazhdon. Edhe Haradinaj e ka pranuar se i mungojnë edhe tri vota për ta kaluar demarkacionin, duke shtuar se Lista Serbe nuk është e sigurtë në votim.
Ndryshe, Demarkacioni me Malin e Zi që është kusht për vizat është mbajtur i bllokuar qe gati tri vite, e i pari që nisi kundërshtimin ishte kryeministri aktual./gazetametro.net
