Prishtina ‘godet’ Llapin pas fitores së sotme

Prishtina ka fituar derbin e xhiros 19 të Vala Superligës, duke mundur Llapin 1:0.

Kjo fitore ishte gëzim i dyfishtë për prishtinasit, pasi përveç që mposhtet një rival, rikthehet edhe pozita e parë në renditje.

Kryeqytetasit e kanë shfrytëzuar situatën që të ngacmojnë Llapin.

“Prishtina fitoi. Prishtina rikthehet në pozitën e parë. Por, lëshoi rast të fitonte me rezultat edhe më të thellë. Llapit nuk i lejoi më shumë se një gjuajtje në portë dhe një jashtë portës. Por, çfarë shanse të pastra u lëshuan nga bardhekaltrit, e pabesueshme. Sidoqoftë të gjithë u ndan të kënaqur me fitoren dhe me rikthim në pozitën e parë dhe tani vetëm kjo është e rëndësishme dhe tani e tutje skuadra mendon vetëm për Vëllaznimin në Gjakovë”, thuhet në faqen e klubit.

Mbetet të shihet se cili do të jetë reagimi i Llapit.

Këto dy ekipe ndeshen edhe më 7 mars në kuadër të çerekfinales së Kupës.