Ky është drejtori i Inspeksionit në kabinetin e Shpejtim Bulliqit
Veseli e përshëndetë konsensusin e Thaçit dhe Haradinajt për kufirin me Malin e Zi
Kryeparlametari i Kosovës, Kadri Veseli, e ka përshëndetur arritjen e një qëndrimi të përbashkët ndërmjet Presidentit Hashim Thaçi dhe kryeministrit Ramush Haradinaj për mënyrë se si duhet zgjidhur çështja e ratifikimit të Marrëveshjes për Demarkacionin e Kufirit me Malin e Zi.
“Lajm shumë i mirë arritja e konsensusit nacional për ratifikimin e demarkacionit me Malin e Zi. Kjo pjekuri politike duhet të na përcjellë edhe në vendimet tjera të mëdha për vendin. Në këtë jubile të pavarësisë, izolimi i shtetit merr fund dhe qytetarëve tanë u hapet rruga e liberalizimit”, shkruan në një postim të Veselit në Facebook.
Presidenti Hashim Thaci, e ka bërë publike një deklaratë të përbashkët me homolgun malazez Filip Vujanovic, ku bëhet thirrje të ratifikohet marrëveshja aktuale, ndërsa parashikohet se për dy pika si ajo Çakorrit dhe Kullës, të ketë rishikim.
“Do të kemi grup të përbashkët që do të punojë në caktimin e vijës kufitare. Që të jetë dhe më i qartë ta lexoj deklaratën e përbashkët të nënshkruar nga dy presidentët, Kosova do të procesojë në Kuvend për ratifikimin e marrëveshjes”, tha Thaçi.
Kryministri Ramush Haradinaj tashmë ka shprehur qëndrimin pro kësaj rruge të zgjidhjes së çështjes së demarkacionit. /gazetametro.net
