Gjermania e dridh Serbinë për Kosovën

Ministri i Punëve të Jashtme të Serbisë, Ivica Daçiq e ka porositur homologun e tij gjerman, Sigmar Gabriel që ta “pranojë realitetin” lidhur me Kosovën dhe se sipas tij qeveria e tanishme gjermane është në shkuarje.

Kjo deklaratë e shefit të diplomacisë serbe erdhi si kundërpërgjigje ndaj asaj të homologut të tij gjerman bërë në Prishtinë sipas së cilës, Serbia duhet ta pranojë pavarësinë e Kosovës nëse do integrim në BE, njofton Klan Kosova.

Për këtë deklaratë të gjermanit ka reaguar edhe ministri serb i mbrojtjes,Aleksandar Vulin i cili ka thënë se Serbia nuk do ta pranojë pavarësinë e Kosovës.