I këputen shpresat Avni Fetahut, drejtor i DBPZHR emërohet Vezir Jonuzi

Vonesa për krijimi e ekzekutivit lokal është një praktik e re e kryetarit Veliu, gati pas 2 muajsh të dhënies së betimit si kryetar, z. Veliu ende s’ka arritur të emërojë të gjitha drejtoritë, njofton PodujevaPRESS.

Siç duket kësaj radhe Agim Veliu është duke negociuar në mënyrë të fshehtë me miqt dhe armiqt politik nga brenda dhe jasht subjektit të tij politik. Kështu, për herë të parë Agim Veliu dorëzohet, duke ia dhënë një drejtori ish zyrtarëve nga radhët e AAK-së, të cilët ishin shkarkuar me një vendim nga dega në Podujevë, për shkak të dhënies së votës për Fatmir Gashin, nga radhët e LDK-së, tani i zgjedhur Kryesues në Kuvendin Komunal të Podujevës.

Mirëpo kjo nuk është befasia e radhës, ajo që bie në sy është emërimi në krye të Drejtorisë së Bujqësisë, Pylltarisë dhe Zhvillimit Ruralë (DBPZHR), z. Vezir Jonuzi, ish zv/ministër në qeverisjen Mustafa.

Kujtojmë që Vezir Jonuzi ishte në garë për deputet nga radhët e LDK-së në zgjedhet nacionale të v.2017 dhe nuk kishte arritur t’i sigurojë votat e mjaftueshmë për ulësen e deputetit në Kuvendin e Kosovës, ndërsa Avni Fetahut i cili ishte drejtor i DBPZHR në mandatin e kaluar në zgjedhjet e fundit lokale ka qenë asambleisti më i votuar në Podujevë dhe në mesin e më të votuarve në nivel vendi, dhe deri më tani nuk iu është besuar asnjë pozitë në ekzekutiv.

Burime tona brenda organeve komunale bëjmë me dije se Agim Veliu si shpërblim për Avni Fetahun ka zgjedhur që ta kthejë këtë të fundit në fushën e arsimit ku edhe ushtronte pozitën e mësimdhënësit. Është për tu theksuar se Avni Fetahu është shumë aktiv në rrjetet sociale, madje ai shpërndan secilin status në facebook të kryetarit Veliu. PodujevaPRESS.com