Çfarë nënkupton nëse vazhdimisht e shihni në ëndërr të njëjtin person?

Ka shumë diskutime prapa domethënies së ëndrrave, ku kryesisht besohet se ëndrrat e pasqyrojnë thellësinë e nënvetëdijes tonë, duke i përfshirë fobitë dhe dëshirat tona.

Por çfarë do të thotë nëse ëndërroni për të njëjtin person rregullisht, transmeton Telegrafi.

Sipas psikologëve klinikë, ëndrrat e rregullta për një person nuk duhet të merren aq seriozisht, qoftë nëse e shihni në ëndërr shokun/shoqen e ngushtë apo ndonjë armik të përbetuar.

Ëndrrat e tilla janë fenomen i zakonshëm, ku shumica prej nesh i përjetojmë. Këto ëndrra jo domosdoshmërish nënkuptojnë se jeni të fiksuar pas një individi, por mund t’i simbolizojnë ndjenjat dhe brengat tuaja.

Psikologët pra thonë se të parit në ëndërr vazhdimisht një person mund të jetë simbolizim i ndonjë stresi apo shqetësimi të caktuar.

P.sh. nëse e shihni vazhdimisht në ëndërr një koleg, atëherë ju mund të mos keni ndonjë problem të caktuar me individin, por mund të jetë çështje  e përgjithshme në punë.

Posa ta zgjidhni konfliktin, edhe ëndrrat ndalen! /Telegrafi/