Fshati Kushevicë i harruar nga komuna, kjo është gjendja e rrugës (Foto)

Kushevica është një fshat i vogël që shtrihet në juglindje të Podujevës, është fshati ku shënohet kufiri administrativ mes komunës së Podujevës e Prishtinës, transmeton PodujevaPRESS.com

Fshatarët e Kushevicës janë në hall me gjendjen e rrugës edhe pse ata kishin marr një premtim për rregullimin e saj nga organet komunale që nga viti 2015, por një premtim i tillë ka mbetur në harresën e zyrtarëve komunal, shkruan faqja në facebook Komuniteti Orllan.

Kushevica ka një pozitë specifike pasi që rruga për gjendjen e së cilës ankohen banorët e lidh komunën e Prishtinës me Podujevën dhe ka një rëndësi të veçantë për banorët e asaj zone që dikur njihes si rajon i gjallërisë dhe të ardhurave që realizonin banorët nga bujqësia dhe blegtoria.

Sot kushevica si pasojë e mungesës së infrastrukturës çdo ditë e më shumë po braktiset dhe një ditë ndoshta do të mbetet pa asnjë banorë. PodujevaPRESS.com