PODUJEVË: “Kërcënimi” i kompanive të autobusëve aktivizon inspekcionin komunal

Gjatë dy ditëve, Drejtoria e Inspekcionit e komunës së Podujevës ka filluar aksionin e ndalimit të taksistëve ilegal, transmeton PodujevaPRESS.com

Drejtoria e Inspekcionit bashkë me Inspektorët e Ministrisë së Infrastrukturës kanë konfiskuar mbi 50 vetura, të cilat përdoreshin si taksi në relacionin Podujevë – Prishtinë. PodujevaPRESS merr vesh nga burimet e saja se kanë qenë kompanitë e autobusëve në Podujevë, ata të cilët kanë kërcënuar komunën e Podujevës se nëse nuk merren masa për largimin e këtyre taksive ata do ti sjellin autobusët para komunës dhe do të hyjnë në grevë.

Kjo edhe e ka detyruar komunën të aktivizohet duke vendos pika kontrolli në qytet si dhe në magjistrlen Podujevë – Prishtinë. PodujevaPRESS.com mëson se janë mbi 50 vetura që janë konfiskuar dhe pronarëve të këtyre automjeteve u janë shqiptuar gjoba të mëdha.

Mirëpo quditërisht sot kishte prap shumë taksistë të cilët vepronin si herave tjera./PodujevaPRESS.com/