Peci dorëzohet para presionit publik: Anulon grantet për këshilltarin e tij dhe
Prishtinë, tre persona rrëmbejnë një tjetër për borxh
Tre persona janë denoncuar për rrëmbimin e një prishtinasi, për shkak të një borxhi. Një prej rrëmbyesve, pas arrestimit ka rezultuar të ketë qenë i arratisur, nga dënimi me 10 ditë burgim
Një borxh i mëparshëm, dyshohet të ketë qenë motiv i një rrëmbimi që ka ndodhur të enjten e javës që shkoi në Prishtinë. Tre persona të dyshuar, janë denoncuar te tre ditë pas ngjarjes, nga viktima.
Gazeta Express merr vesh se të dyshuarit e kishin futur me dhunë në veturën e tyre burrin nga Prishtina, i cili ua kishte mbi 2000 euro borxh, për ta dërguar te vendi i njohur “Te Pishat” në fshatin Pakashticë.
Viktima, siç mëson Express, është liruar pasi borxhi ndaj tre rrëmbyesve është paguar nga një person tjetër. Ndaj viktimave nuk raportohet të jetë përdorur dhunë gjatë mbajtjes.
Tre të dyshuarit janë kapur nga policia, pas denoncimit të bërë një ditë më parë në polici.
Rasti është konfirmuar nga zyra për media e Policisë rajonale në Prishtinë.
“Lidhur me këtë rast janë arrestuar tre persona të dyshuar”, ka thënë për Express, zëdhënësja Flora Ahmeti.
Bëhet e ditur se dy prej tyre janë liruar në procedurë të rregullt, derisa njeri prej tyre ka rezultuar se posedon urdhëresë aktive nga Gjykata, si i dënuar me 10 ditë burgim për një rast tjetër penal. /GazetaExpress
