Peci dorëzohet para presionit publik: Anulon grantet për këshilltarin e tij dhe
Bedri Hamza nuk i bindet Kryeministrit, anulon vendimin për rritje të pagave
Ministri i Financave Bedri Hamza ka vendosur që të mos e zbatojë vendimin e qeverisë për rritjen e pagave. Gazeta Express merr vesh se vendimi për rritje të pagave do të shtyhet për një datë të pacaktuar.
“ Është marrë vendimi. Pagat e qeveritarëve do të dalin pa rritje. Vendimi për rritjen e tyre do të shqyrtohet edhe njëherë. Vendimi zyrtar për këtë çështje bëhet i ditur nesër”, kanë treguar burime të Express brenda Qeverisë.
Ky hap vjen vetëm një ditë pas daljes së konstatimit të Agjencisë Kundër Korrupsionit se vendimi i marrë nga ekzekutivi është i kundërligjshëm.
Vendimi i Kryeministrit Haradinaj për rritje pagash për të gjithë kabinetin e tij shkaktoi reagime dhe polemika të shumta, nga zyrtarët, ashtu edhe nga qytetarët.
Kryeministri Ramush Haradinaj me një vendim ia dyfishoi vetes pagën dhe pesë zëvendëskryeministrave të vet, duke ia kaluar me pagë bruto edhe presidentit Hashim Thaçi dhe kryetarit të Kuvendit Kadri Veseli.
Deri më tash paga e kryeministrit ka qenë rreth 1.500 euro, ndërsa tash e tutje ajo do të jetë 2.950 euro.
Po ashtu, me ketë vendim të Haradinajt, paga e zëvendëskryeministrave tash e tutje do të jetë 2.500 euro, ndërsa e ministrave nga 2.000 euro./Gazeta Express/
