Vdes mamia llapjane Sanije Topanica, iu ndihmoi grave në lindje gjatë luftës
Limaj e ka nje zgjidhje per demarkacion, pret nga qeveria që ta autorizojë
Zëvendëskryeministri Fatmir Limaj ka thënë se shpejt do të gjendet një zgjidhje për demarkacionin me Malin e Zi duke njoftuar njëkohlsisht se këtë përgjegjësi e ka marrë prej Qeverisë. Ai ka paralajmëruar se zgjidhje do të jetë kreative. Kryetari i NISMA’s ka thënë se e kanë për obligim të gjejnë zgjidhje, pasi në pushtet s’kanë shkuar për ankesa. Sipas tij, zgjidhja do të jetë në të mirë të të dy shteteve.
Zëvendëskryeministri i Kosovës Fatmir Limaj, në mbledhjen e Këshillit Kombëtar me strukturat e partisë së tij Nisma, ka thënë se qeveria aktuale ka trashëguar tema të ndryshme ose marrëveshje të këqija, të cilat janë zhvilluar për shkak të politikave jotransparente dhe të paorganizuara.
Limaj ka përmendur dialogun Prishtinë-Beograd, si dhe se do të ketë zgjidhje për demarkimin e kufirit me Malin e Zi. Ai është prezantuar si njëri prej njerëzve kryesorë të Qeverisë Haradinaj për ta gjetur zgjidhjen e demarkacionit.
Zëvendëskryeministri tha se shpejt do të gjendet një zgjidhje që do t’i japë fund demarkacionit, por, nuk ka dhënë detaje se cila do të jetë kjo zgjidhje, shkruan Gazeta Express.
“Dua t’ju them se unë kam marrë angazhim për të gjetur rrugë që i hap mundësi vendit tonë. Qeveria e Kosovës nuk mjafton me thënë e kemi dërguar ne Parlament dhe tash le të vendos Kuvendi”, ka thënë Limaj.
“Ka mundësi që të punoj ende që se bashku me Qeverinë e Malit të Zi të gjejmë një zgjidhje të përbashkët që nuk do të prekte interesat e asnjërit vend, do të respektoheshin interesat e dy vendeve. Ka hapësirë të mjaftueshme që dy qeveritë tona t’i marrin zotimet dhe obligimet për të përmirësuar çdo pikë që ka lëshime gjatë asaj marrëveshjeje. Gabimet korrigjohen, nëse ka”, ka shtuar ai.
“Jam i bindur se do të gjejmë rrugën që të përmbyllet kjo çështje. Të jemi të sigurt se deputetët nuk po votojnë diçka që është kundër interesave të tyre”, ka shtuar ai.
Limaj edhe me parë ka paralajmëruar se para ligjvënëseve të vendit do të nxirret një version për demarkacionin, të cilin do ta duartrokasin të gjithë.
“Ne jemi shumë të vendosur të mbrojmë interesin e vendit tonë… Dhe për çështjen e demarkacionit duhet një zgjidhje kreative. Për ta çuar përpara interesin e vendit”, ka shtuar ai.
Demarkacioni është njëri prej kushteve kryesore që qytetarëve do t’ua lehtësonte rrugën drejt liberalizimit të vizave.
Sa i përket dialogut me Serbinë, Limaj tha se deri më tani dialogu ka qenë jotransparent dhe si i tillë nuk ka prodhuar rezultate të mira.
Demarkacioni me Malin e Zi vazhdon të jetë kushti kryesor i BE’së për t’ua liberalizuar vizat kosovarëve. Marrëveshja mes Malit të Zi dhe Kosovës u nënshkrua më 2015, por ende s’ është dërguar në Parlament për ratifikim.
Për shkak të kësaj marrëveshjeje, VV, AAK e NISMA, sa ishin në opozitë, patën protestuar, mes tjreash duke gjuajtur gaz lotsjellës në Parlament.
Ndërkohë, Gazeta Express, ka raportuar për idenë e Limajt për ta përmbyllur demarkacionin me Malin e Zi.
Megjithëse, Limaj nuk ka sqaruar se cili do të jetë varianti për të cilin flet vazhdimisht, Gazeta Express ka mësuar përmes burimeve të saj brenda Qeverisë se në muajin janar deputetëve të Kosovës do t’u dorëzohet marrëveshja aktuale, së cilës i bashkëngjitet edhe një letër zotuese.
“Ideja është e mirë, që marrëveshjes t’i shtohet një letër zotimi e përbashkët dhe që brenda një periudhe të caktuar dy vendet të hapin bisedimet për të korrigjuar marrëveshjen aty ku ka konteste. Kjo është pak a shumë, nëse Mali i Zi e pranon”, ka thënë ky burim për Express-in.
