Vdes mamia llapjane Sanije Topanica, iu ndihmoi grave në lindje gjatë luftës
Nura: Haxhiu u shkarkua për shkak se e tradhtoi partinë
Fadil Nura, sekretar i Degës së Partisë Demokratike të Kosovës në Skenderaj, ka thënë se ish-nënkryetari i kësaj dege, Bekim Haxhiu u shkarkua nga kjo pozitë për shkak se punoi kundër vendimit të vetë dhe të partisë për zgjedhjen e kryesuesit të Kuvendit Komunal të Skenderajt.
Sipas Nurës, që ka qenë i ftuar në “Interaktiv” të KTV-së, ky ka qenë vendim i Këshillit të Përgjithshëm, që është organi më i lartë i PDK-së.
“Ai ka kundërshtuar vendimin e partisë dhe të vetin sepse njëfarë mënyre ka votuar për atë vendim, që të përkrahet Ismet Salihu në krye të Kuvendit Komunal. Ai ka lobuar kundër, dhe në prapavijë ka bashkërenduar qëndrimet me partitë opozitare për ta zgjedhur Fatbardha Halilin në krye të Kuvendit Komunal”, ka thënë Nura.
I pyetur nëse me këtë po e akuzon për tradhti ndaj partisë, Nura ka thënë se “kualifikojeni si të doni, po realisht ashtu po i bie”.
Ai ka thënë se Haxhiu mbetet anëtar i Kryesisë së Degës, ndërsa ka treguar se Nuredin Lushtaku është vendos që të jetë nënkryetar i degës në Skenderaj.
