Fundi i botës më afër se kurrë thonë shkencëtarët

Ora e Fundit të Botës ka lëvizur edhe më afër mesnatës pasi eksiston frika se lufta nukleare mund të shpërthejë në çdo moment, transmeton GazetaMetro.

Tani akrepi i orës është vetëm 2 minuta larg orës 12 që nënkupton fundin e botës, kanë njoftuar shkencëtarët nga Buletini i Shkencëtarëve Atomik.

“Ora  e Fundit të Botës” kishte nisur si shenjë që tregon matjen e rrezikut nga lufta nukleare, ndërsa shenjë ka filluar të matë rrezikun e një konflikti nuklear, ndërsa përpos kësaj tani e përfshin edhe “kutinë e Pandorës së shkencës moderne”, duke përfshirë këtu edhe inteligjencën artificiale dhe ndryshimet klimatike në botë.

Ora u shty më afër se kurrë kufirit, për shkak të frikës nga një konflikt ndërmjet SHBA’ve dhe Koresë së Veriut, e poashtu edhe nga rreziqet për shkak të rritjes së agresionit të Rusisë dhe ambiciet nukleare të Iranit.

“Të ngacmosh një shtet nuklear është të nënvlerësosh situatën”, ka thënë drejtori i organizatës në fjalë.

“Aktorët më të mëdhenj nuklear po bëjnë një garë armësh, që do të jetë shumë e shtrenjtë dhe do të rrisë gjasat e aksidenteve me perceptimeve të gabueshme. Nëpër gjithë botën, armët nukleare rrezikojnë të bëhen të përdorshme për shkak të investimit të kombeve në arsenalin e tyre bërthamor”, shkruan në njoftimin e kësaj organizate.

Shkencëtarët e dënojnë ‘paparashikueshmërinë’ e Donald Trump dhe liderët e tjerë botërorë për sa i përket pullës bërthamore.

‘Ora e Fundit të Botës” e mat gjendjen se sa afër është bota prej shkatërrimit. Tani është më afër se kurdoherë që prej vitit 1953  kur ishte poashtu 2 minuta larg mesnatës, pasi SHBA’të dhe Rusia po testonin bombat e mëdha me hidrogjen.

Shkencëtarët i bënë thirrje presidentit amerikan Trump të përdorin më pak gjuhë ‘provokative’ në raport me lider të paparashikueshëm si Kim Jong-un. Tensionet ndërmjet SHBA’ve dhe Koresë së Veriut janë ende të larta, duke e bërë këtë rrezik brengosës më mundësi realiste të ndodh. /gazetametro.net