Reagon Balli Kombëtar Demokrat: Agim Veliu po na irriton me deklaratat e tij

Balli Kombëtar Demokrat dega në Podujevë, ka reaguar sot lidhur me deklaratën lëshuar nga kryetari i LDK-së Agim Veliu, transmeton PodujevaPRESS.com
Sipas këtij subjekti politik, Agim Veliu me deklaratat e tij mjaft irrituese dhe të pasinqerta po e dëshmon se ai ka qenë i interesuar vetëm për të kontrabanduar vota e jo për të arritur marrëveshje.

Kjo është komunikata e plotë:

Balli Kombëtar Demokrat dega në Podujevë, reagon lidhur me deklaratën lëshuar nga kryetari i LDK-së Agim Veliu dhe kontrabanduesve të AAK-së, Smajl Sfishta dhe Shaban Mulloit. Ne si dy subjekte politike kemi arritur marrëveshje politike me datën 03.01.2018 mes dy subjekteve AAK- BKD, ku kanë nënshkruar kryetarët e dy degëve dhe kanë vënë nënshkrim edhe asamblistët. Më vjen keq që nga kjo datë asnjë kërkesë nuk është ardhur nga z.Veliu për bashkëqeverisje, vetëm se është kërkuar në mënyrë klandestine të kontrabandoj votat e asamblistëve. Pra qytetar të dashur, këto deklarat janë irrituese dhe të pasinqerta nga ana e kryetarit të LDK-ës.
Zyra për informim e Ballit Kombëtarë Demokrat – Podujevë