Vetëvendosje ka 30 mijë anëtarë por dje votuan më pak se 10 mijë

Përgjatë ditës së sotme në Lëvizjen Vetëvendosje u mbajtën zgjedhjet e brendshme për të parin e kësaj partie, ku kandidat i vetëm ishte Albin Kurti.

Sipas burimeve të Indeksonline, nga 30 mijë anëtarë sa ka gjithsej Lëvizja Vetëvendosje, sot kanë votuar më pak se 10 mijë prej tyre.

Përderisa në vitin 2011 kur Albin Kurti u zgjodh kryetar i Lëvizjes Vetëvendosje për herë të parë, në zgjedhje kishin dalë 60 përqind e tyre.

Gjithashtu sipas të njëjtave burime bëhet e ditur se tani në zgjedhje morën pjesë 33 përqind.

Sipas rezultateve paraprake të dërguara nga kjo parti bëhet e ditur se 98.82 përqind e tyre kanë votuar pro Albin Kurtit si kryetar, 0.61 përqind kundër dhe 0.57 përqind kanë abstenuar. 0.26 përqind prej votave njoftohet të jenë shpallur të pavlefshme.

Në  zgjedhjet e brendshme për kryetar të Lëvizjes Vetëvendosje nuk morën pjesë asnjëri prej të dorëhequrve, të cilët dhe publikisht shprehën pakënaqësitë e tyre lidhur me ecurinë e zhvillimeve brenda kësaj partie./Indeksonline/